رویداد خبري آژانس په افغانستان کې لومړنۍ دیجټلي خبري آژانس
ټاکل شوې ده، چې نن د افغانستان او پاکستان د کرکټ د ملي لوبډلو تر منځ د پنځوس اوورنو د روانې لړۍ درېیمه او وروستۍ لوبه وشي.
لومړۍ دوې لوبې پاکستان ګټلې دي، چې د سرېلانکا په همبنټوټا ښار کې ترسره شوې.
ننۍ لوبه د سرېلانکا په پلازمېنه کولمبو کې په پام کې ده.
د افغانستان د کرکټ بورډ چارواکي د پاکستان پر وړاندې دا لړۍ د لوبډلې لپاره ګټوره بولي زیاتوي، چې تر دې لوبو وروسته اسیایي جام او بیا نړیوال جام مخې ته دی او دا سیالۍ به د افغانستان له ملي لوبډلې سره ډېره مرسته وکړي”
د اسیا د کرکټ جام لوبې د اګست په یو دېرشمه پيلیږي.
د دې جام کوربانه، پاکستان او سرېلانکا دي.
په دې یو ورځني جام پسې، د پنځوس اورونو نړیوال جام د اکتوبر په پنځمه په هند کې پیلیږي.
