رویداد خبري آژانس په افغانستان کې لومړنۍ دیجټلي خبري آژانس
کندهار کې د تېلو په عمومي سرای کې اورلګېدنې درانه مالي زیانونه اړولي دي.
د کندهار ځايي چارواکي وايي دغه اور پرون مازدیګر مهال ولګېد خو د اړوندو مسؤلینو په همکارۍ ژر مهار شوی دی.
د کندهار د ولایت مقام پر ټویټرپاڼه لیکل شوي، چې دې پېښه کې څو کسان برسېرن سوځېدلي، خو حالت یې د دوی په وینا د اندېښنې وړ نه دی.
ځايي چارواکو د دې اورلګېدنې د لامل په اړه څه نه دي ویلي او د دې جزییات یې هم نه دي ورکړي، چې څومره مالي زیان به پکې اوښتی وي.
ویل کیږي، دغه اور یو ساعت دوام درلود خو د خپرېدو مخه یې نیول شوې او ډېرې زېرمې ترې ساتل شوې وي.
