پوتین: روسیه به د اوکراین جګړې ته دوام ورکړي او د ایران ملاتړ به وساتي

د روسيې او اوکراين ترمنځ د جګړو په دوام کې، د روسیې ولسمشر ولادیمیر پوتین ویلي، مسکو به په اوکراین کې له خپل اوسني دریځ څخه شاتګ ونه کړي او جګړې ته به دوام ورکړي.
نوموړي ټینګار کړی چې روسیه به د امریکا او ایران ترمنځ د روان کړکېچ پر مهال د تهران ملاتړ هم وساتي.
پوتین دا څرګندونې په قرغزستان کې د شانګهای همکاریو سازمان د سرمشریزې پر مهال کړې دي. نوموړي همداراز د ایران له ولسمشر مسعود پزشکیان سره په لیدنه کې د دواړو هېوادونو پر اړیکو او د ایران په اړه د مسکو پر دریځ خبرې کړې دي.
د پوتین څرګندونې په داسې حال کې کېږي چې د اوکراین جګړه لا هم روانه ده او د امریکا او ایران ترمنځ هم پوځي او سیاسي کړکېچ دوام لري. مسکو او تهران په وروستیو کلونو کې خپلې سیاسي، اقتصادي او پوځي اړیکې هم پراخې کړې دي.