رویداد خبري آژانس په افغانستان کې لومړنۍ دیجټلي خبري آژانس
د امريکا د کانګرېس يوه غړي هغو راپورونو ته غبرګون ښودلی چې پکې د ډونالډ ټرمپ د ادارې او د کانګو ديموکراتيک جمهوريت تر منځ د شاوخوا ۱۱۰۰ افغانانو د مېشتېدو په اړه خبرې شوې دي ، د کانګرس ياد غړي دا اقدام «بېرحمانه خیانت» بللی دی.
دغه افغانان چې اوس مهال په قطر کې د امريکا د مهاجرتي ویزو د ترلاسه کولو لپاره په تمه دي د خپل راتلونکي په اړه له ناڅرګند حالت سره مخ دي.
په ورته وخت کې، راپورونه ښيي چې د افغان اتباعو لپاره د امريکا د مهاجرتي ویزو د پروسس بهیر لا هم په عملي ډول درېدلی پاتې دی. ډېری هغه کسان چې د ۲۰۲۱ کال د کابل د سقوط او د امريکايي ځواکونو د وتلو وروسته له افغانستان څخه وتلي، تر نږدې څلورو کلونو پورې په قطر او نورو هېوادونو کې د انتظار او بې برخليک حالت کې ژوند کوي.
د ياروتې وړ ده، چې ډونالډ ټرمپ څو ځله په بېلابېلو وختونو کې—په ځانګړي ډول د ۲۰۲۱ وروسته سیاسي ویناوو او د انتخاباتي کمپاینونو پر مهال—ویلي چې افغان کډوال او هغه کسان چې له افغانستان څخه امريکا ته انتقال شوي دي باید خپلو هېوادونو ته ستانه شي.
