رویداد خبري آژانس په افغانستان کې لومړنۍ دیجټلي خبري آژانس
د هند او انګلستان ترمنځ د شل اورېزه لوبلړۍ درېیمه لوبه په راجستان لوبغالي کې ترسره شوه چې د انګلستان لوبډلې په بریا پای ته ورسېده.
لومړۍ توپوهنه د انګلستان لوبډلې ترسره کړه چې د ۹ لوبغاړو په سوځېدو سره یې ۱۷۹منډې وکړې.
د هندستان لوبډلې د ۹ لوبغاړو په سوځېدو سره یوازې ۱۴۵منډې وکړې او د ۲۶منډو په توپیر یې لوبه وبایلله.
د هند لوبډلې لپاره وارون چکارتي تر ټولو ښه لوبه وکړه، هغه د انګلستان پنځه لوبغاړي اوټ کړل او د غوره لوبغاړي جایزه یې هم وګټله.
د هند او انګلستان ترمنځ د پنځو شل اوریزو سیالیو څخه درې لوبې ترسره شوې دي چې دوې لوبې یې هند ګټلې او یوه یې انګلستان ګټلې ده.
د دواړو لوبډلو ترمنځ څلورمه شل اوریزه سیالي به د روانې جنورۍ میاشتې په ۳۱مه، نیټه ترسره شي.
د یادونې وړ ده چې د انګلستان لوبډله هند ته په سفر تللي او ټاکل شوې چې له خپلې سیالې لوبډلې سره دوې ټسټ لوبې هم ترسره کړي.
