رویداد خبري آژانس په افغانستان کې لومړنۍ دیجټلي خبري آژانس
رابعه نسیمي، یوه افغانه مېرمن، د بریټانیا د کارګر ګوند له خوا د لندن په لوېدیځ کې د «ایسټ اکتون» د سیمهییزې شورا په ټاکنو کې بریالۍ شوې ده. هغې د یاد ګوند د درېیو بریالیو نوماندانو ترمنځ دویم مقام خپل کړی دی.
رابعه نسیمي په ۱۹۹۹ کال کې له خپلې کورنۍ سره له افغانستانه بریټانیا ته کډه شوې وه او خپلې زدکړې يې هلته ترسره کړې او د ټولنپوهنې په برخه کې د دوکتورا تر کچې پورې لوړې زدهکړې بشپړې کړې دي.
د هغې بریا د کډوالو او افغان ښځو د ظرفیت او ګډون یوه مهمه بېلګه ګڼل کېږي، چې ښيي افغانان په بهر کې هم په بېلابېلو ټولنیزو او سیاسي برخو کې فعاله ونډه اخيستلای شي.
