خبرگزاری رویداد اولین خبرگزاری دیجیتلی در افغانستان
نهاد کمک‌رسان موسوم به کمیته‌‌ی سویدن برای افغانستان اعلام کرده است که تمام فعالیت‌های خود را در افغانستان متوقف کرده است.
بر اساس گزارش‌ها، این تصمیم به درخواست ا.ا و حفظ امنیت کارمندان کمیته سویدن گرفته شده و تمام فعالیت‌های کمیته سویدن برای افغانستان روز جمعه (۲۵ حوت) متوقف شده است.
آندریاس استفانسون، دبیرکل کمیته سویدن برای افغانستان گفته است که این کمیته پس از دستور ا.ا مبنی بر توقف فعالیت‌های این نهاد در افغانستان، با کمک‌های ویژه محلی و منطقه‌ای در چندین مکان به کار خود ادامه داده است.
او افزوده است که کار و فعالیت بدون مجوز، می‌تواند خطراتی را به همراه داشته باشد.
کمیته سویدن برای افغانستان در ۴۰ سال اخیر در افغانستان فعالیت داشته و با کمک‌های توسعه‌یی برای گروه‌های آسیب‌پذیر از جمله زنان، کودکان و افراد دارای معلولیت کار می‌کرد.
