خبرگزاری رویداد اولین خبرگزاری دیجیتلی در افغانستان
وزارت معارف تاریخ امتحانات سالانه دوره ابتداییه مکاتب دولتی و خصوصی ولایت‌های سردسیر کشور را اعلام کرد.
وزارت معارف روز گذشته دوشنبه، ۲۲ عقرب به نشر اطلاعیه‌ای در ایکس گفته است که امتحانات دوره ابتداییه مکاتب دولتی و خصوصی به تاریخ (۲۵ عقرب) آغاز و الی آخر ماه جاری ادامه می‌یابد.
در اطلاعیه این وزارت آمده است که امتحانات سالانه دوره‌های متوسطه و ثانوی مکاتب دولتی و خصوصی ولایت‌های سردسیر به تاریخ (۱ قوس) شروع و پانزدهم این ماه ختم می‌گردد.
این در حالی است که نزدیک به دو سال است که دروازه مکاتب به روی دختران بالاتر از صنف ششم مسدود می‌باشد.
مقام‌های ا.ا بارها وعده بازگشایی دروزاه مکاتب به روی دختران را داده‌اند اما؛ تا کنون این وعده‌ها عملی نشده است.
