رویداد خبري آژانس په افغانستان کې لومړنۍ دیجټلي خبري آژانس
د افغانستان ملي دفاع وزارت نن (چهار شنبه د لیندۍ په ۲۶ مه ) یوه اعلامیه خپره کړه، په دې اعلامیه کې د دفاع وزارت مرستیال ویاند فواد امان ویلي چې د کندهار ولایت په پنجوايي ولسوالۍ کې د امنیتي ځواکونو په بریدونو کې ۱۷ طالبان وژل شوي دي.
فواد امان زیاته کړه وژل شوي طالبان غوښتل چې پر امنیتي ځواکونو بریدونه وکړي چې د نښتې په پایله کې د دوي بریدونه شنډ او ناکامه شول.
اعلامیه کې راغلي چې امنیتي ځواکونو ته کوم زیان نه دی اوښتی.
فواد امان وویل په پنجوايي کې د طالبانو یوه اندازه وسلې او مهمات هم له منځه وړل شوي دي.
وسلوالو طالبانو په دې اړه څه نه دي ویلي.
