رویداد خبري آژانس په افغانستان کې لومړنۍ دیجټلي خبري آژانس
نن د اګسټ ۱۵مه په افغانستان کې د طالبانو اسلامي تحريک د بيا ځلي واکنۍ يو کال پوره شو. د دې ورځې په مناسبت سرپرست حکومت نن دوشنبه د (زمري په ۲۴مه) په ټول هېواد کې عمومي رخصي اعلان کړې ده.
د تېر يوه کال په جريان کې د جګړې بندېدل، د امنيت ټينګښت، د قدرت د جزېرو له منځه وړل او د واکمنۍ تر يوه واحد چتر لاندې د ټول هېواد کنټرولول د نوي حکومت لاسته راوړنې بلل شوي دي.
خو بر عکس اقتصادي رکورد، د لوږې زياتېدل، د بانکي نظام زيانمنېدل، د ټولنيزو محدوديتونو وضعه کول، د رسنيو محدودول، له هېواد د خلکو کډوالي، د نجونو پرمخ د ښوونځيو تړل، له دولتي تشکيل د ځينو مهمو بنسټونو لغوه کول، د کورني مشروعيت نه ترلاسه کول او د نړيوال رسميت نشتوالی هغه ستونزې دي، چې له کبله يې اوسني حکومت ته د نيوکې ګوته نيول کېږي.
د تېر يوه کال په جريان کې افغانانو له جګړې پرته په ټولنيزه او اقتصادي برخه کې له ستونزو سره مخ وو او دې ستونزو د خلکو پر ژوند اغېز کړی دی.
خو حکومت بيا ډاډ ورکړی چې دا هر څه به په تدريجي توګه بېرته سم او عادي شي.
