رویداد خبري آژانس په افغانستان کې لومړنۍ دیجټلي خبري آژانس
امر الله صالح وایي، ملي امنیت ځواکونو د مطيع الله په نوم د حقاني شبکې یو قوماندان له ۷ ملګرو سره یوځای نیولی دی.
د ولسمشر غني لومړي مرستیال امرالله صالح ويلي ملي امنیت ځواکونو په کابل کې د مطیع الله په نوم د حقاني شبکې یو قوماندان له ۷ ملګرو سره نیولی دی.
صالح ویلي د حقاني شبکې ياد قوماندان د هغو انځورونو په اساس نيول شوی چې په کابل ښار کې يې ځوړند کړي دي.
نوموړي ويلي د کابل ښار څو اوسيدونکو په ښار کې د مجرمينو د لګول شويو انځورونو په اساس مطيع الله پېژندلی و او امنيتي ځواکونو ته يې خبر ورکړی و.
صالح ویلي هغه خلک به د هويت خوندي ساتلو سره په مادي او معنوي ډول وستایل شي چې مالومات یې شریک کړي دي.
