رویداد خبري آژانس په افغانستان کې لومړنۍ دیجټلي خبري آژانس
د ملي روغې جوړې د عالي شورا رییس عبدالله عبدالله نن یکشنبه (دچنګاښ ۲۷مه نېټه) په دوحه کې د افغان سولې لپاره د ملګرو ملتونو له ځانګړي استازي ژان ارنولټ سره کتلي دي.
په دې کتنه کې د ملګرو ملتونو ځانګړي استازي په لوړه کچه د مذاکراتو له پيلېدو خوښي وښوده او هغه یې د سولې لپاره مهم ګام وباله.
نوموړي ټينګار کړی، چې د افغانستان د ستونزې یوازنۍ حل خبرې اترې دي.
عبدالله عبدالله د ملګرو ملتونو له همکارۍ د مننې ترڅنګ ډاډ څرګند کړ، چې د افغانستان اسلامي جمهوریت په خبرو اترو باور لري او د ستونزو د حل یوازنۍ لار همدا مذاکرات دي.
په دې ناسته کې د سولې پر وروستیو هڅو، مذاکراتو او له دې مذاکراتو څخه د پوره ملاتړپه اړه بحث او خبرې اترې ترسره شوې دي.
