رویداد خبري آژانس په افغانستان کې لومړنۍ دیجټلي خبري آژانس
د ناټو سرمنشي ینس سټولټنبرګ ویلي، چې د افغانستان اوسني وضعیت له نږړې څارل کېږي او زیاتوي چې په دې اړه یې په خپلو کې منځونو کې خبرې روانې کړي دي.
سټولټنبرګ زیاته کړې، چې له افغانستانه د بهرنیو سرتیرو د وتلو په اړه یې د ناټو او امریکايي ځواکونو له عمومي قوماندان «جنرال سکاټ مېلر» سره هم لیدلي دي.
د سټولټنبرګ په خبره، چې هغه له مېلر سره پرون د سې شنبې په ورځ ( دچنګاښ ۱۵مه نېټه) په بروکسل کې لیدلي او د امریکايي سرتیرو د وتلو په اړه یې بحث ورسره کړی دی.
د ناټو سرمنشي دا هم ویلي، چې دوی د افغانانو پر ستونزو او د دوی د ملاتړ په هدف په خپلو منځونو کې خبرې روانې کړې دي.
دا په داسې حال کې ده، چې له افغانستانه د بهرنیو ځواکونو د بهیر له پیل سره سم په د هېواد په ډېرو سیمو کې تاوتریخوالي زور اخیستی دی.
