رویداد خبري آژانس په افغانستان کې لومړنۍ دیجټلي خبري آژانس
د ولسي جرګې رییس میررحمان رحماني وایي، د ولس استازي باید خپلو ولایتونو ته ولاړ شي او له خپلو سرتیرو سره څنګ پر څنګ د وسله والو طالبانو پرضد جګړه وکړي.
رحماني دغه راز ویلي، چې دولت باید د کابل هوايي ډګر چارواکو ته لارښوونه وکړي چې د ولسي جرګې هېڅ غړی ته له هېواد څخه بهر ته د تلو اجازه ورنه کړي.
نوموړي نن چهارشنبه (د غبرګولي ۲۶مه نېټه په عمومي غونډه کې د جرګې کورني امنیت او د دفاعي چارو کمېسیون ته دنده وسپارله، چې هېواد کې له روانو ناامنیو وتلو لپاره یوه د پلي کېدو وړ طرحه برابره کړي.
د رحماني په خبره ولسمشر محمد اشرف غني به د روان ناسم امنیتي حالت په اړه، په ولسي جرګه کې د خلکو استازو سره وویني او د هغوی وړاندیزونه به واوري.
ښاغلی رحمانی دا خبرې په داسې مهال کوي، چې طالبانو په دې وروستیو کې د یو شمېر ولایتونون په ولسوالیو خپل بریدونه ډېر کړي دي او د ولسوالیو د نیولو ادعاوې کوي.
تازه د ملي دفاع وزارت ویلي، چې امنيتي ځواکونو د کندوز خان اباد او د قاریاب دولت اباد ولسوالۍ بېرته له طالبانو نیول شوي دي.
