رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې د امریکا متحده ایالاتو ولسمشر جو بایدن نن یکشنبه (د غبرګولي ۲۴مه نېټه) د ناټو له غړو هېوادونو سره پر افغانستان او نورو مسایلو خبرې وکړي.
د بهرنیو رسنیو د راپورونو له مخې نن جو بايډن په بروکسل کې د ناټو له شاوخوا دېرشو غړو هېوادونو سره خبرې کوي او د بحث موضوعات یې هم افغانستان، روسیه او ځينې نور نړیوال موارد دي.
امریکا به د ناټو د ځواکمن غړي هېواد په توګه له افغانستان د ځواکونو ایستلو، د افغان ځواکونو پر ملاتړ او نورو اړوندو مسایلو خبرې وکړي.
تر دې وړاندې هم د ناټو سازمان عمومي منشي ینس سټولټنبرګ ویلي وو چې د ناټو د مشرانو د بحث موضوع یوه هم افغانستان ده او ددغه هېواد په اړه به مهمې پرېکړې وشي.
