رویداد خبري آژانس په افغانستان کې لومړنۍ دیجټلي خبري آژانس
د سلامي همکاريو سازمان وايي، له افغانستان څخه د بهرنيو ځواکونو د وتلو په صورت کې د وسلهوالو طالبانو جګړه باطله ده او هېڅ ډول شرعي دليل نه لري.
د دغه سازمان جنرال سکرټر ډاکټر یوسف بن احمد العثیمین پرون چهارشنبې (غبرګولي ۱۹مه نېټه) د افغانستان حج، ارشاد او اوقافو له وزير سره په جده کې د لېدنې پرمهال خبرې کولې وويل، چې وژنه، تاوتریخوالی او تهدید د اسلام له اصل سره مخالف دي او په خبره يې په همدې اساس د تبلیغاتو او پیغام له لارې خلکو ته باید څرګنده شي چې اسلام د ترهګرۍ او تاوتریخوالي دین نه، بلکه د اتحاد او یووالي دین دی.
العثیمین دغه راز زياته کړه چې له افغانستان څخه د بهرنيو ځواکونو تر وتلو وروسته، په دغه هېواد کې د وسلهوالو طالبانو له لوري جګړه هېڅ کوم دلیل نه لري او ټينګار کوي چې د غير شرعي دلايلو په اساس بايد روانه مسلمان وژنه ژر تر ژره بنده شي.
د افغانستان د حج، ارشاد او اوقافو وزير په مشرۍ د افغان ديني عالمانو يو پلاوی سعودي عربستان ته تللی او ټاکل شوې نن د نوموړي هېواد په مکې معظمې ښار کې د افغان او پاکستاني ديني عالمانو ترمنځ په افغانستان کې پر روانه جګړه له شرعي پلوه بحث وشي.
