رویداد خبري آژانس په افغانستان کې لومړنۍ دیجټلي خبري آژانس
د ننګرهار ولایت ځایي چارواکي وایي، چې د یاد ولایت په شېرزادو ولسوالۍ اړوند سیمه کې نن سهار د وسله والو طالبانو له لوري د هاوان مرمۍ لګېدو له کبله د یوې کورنۍ څلور غړي وژل شوي دي.
د ننګرهار والي ویاند عطالله خوګیاڼی وایي، چې دغه پېښه پرون د جمعې په شپه (د غویي ۱۰مه نېټه) د شېرزادو ولسوالۍ په شهبازخېلو کلي کې شوې ده.
د خوګیاڼي په وینا دغه مرمۍ د سردار ملک په نوم د یوه کس په کور لګېدلې چې پهکې د یوه ماشوم په ګډون درې ښځې وژل شوي دي.
که څه هم وسلهوالو طالبانو د یادې پېښې په اړه څه نهدي ویلي، خو د سیمې خلک ادعا کوي چې دغه مرمۍ د طالبانو له لوري توغول شوې ده.
