رویداد خبري آژانس په افغانستان کې لومړنۍ دیجټلي خبري آژانس
د المان لومړۍ وزیرې انګیلا میرکل په دغه هېواد کې د کرونا وایروس له کبله لګول شوي تازه بندیزونه بېرته لرې کړل.
میرکل د المان د ایالتونو له مشرانو سره په یوه ګډه غونډه کې ګډون وکړ او وې ویل، د المان له خلکو بښنه غواړي او د اپرېل په مذهبي مراسمو کې به هيح ډول بندیزونه نه وي.
څو ورځې وړاندې الماني حکومت وویل چې د کرونا د درېیمې څپې د خپرېدو له امله به تازه محدودیتونه وضع کړي. ټاکل شوې وه چې دا د کرونا له پیله تر دې دمه تر ټولو سخت بندیزونه وي، خو دا کار د الماني وګړو له سخت غبرګون سره مخ شو او لارې کوڅې له لاریون کوونکو ډکې شوې.
اوس مېرکل ویلي چې دا محدودیتونه یې لغوه کړي دي. بلخوا په ګڼو نورو اروپايي هېوادونو کې د کرونا د درېیمې څپې له پیل سره سم محدودیتونه هم ډېر شوي دي.
