رویداد خبري آژانس په افغانستان کې لومړنۍ دیجټلي خبري آژانس
د ایران مذهبي مشر ایت الله خامنهیي وایي که امریکا او متحدان یې غواړي چې تهران بېرته د ۲۰۱۵ کال اټمي تړون ته ستون شي، باید واشنګټن پر ایران ټول بندیزونه لیري کړي.
خامنهیي په یوه ټلوېزیوني وینا کې وویل، “زموږ دریځ څرګند دی او بدلونیې نهدی کړی، د امریکا ټول بندیزونه باید له هوکړې سره سم لیرې شي چې موږ بېرته اټمي تړون ته وګرځو”.
ده وویل، پر ایران د فشار راوړلو تګلاره ناکامه وه او خبرداری یې ورکړ، که د جو بایډن اداره هم دغه کار ته دوام ورکړي، ناکامه به شي.
د امریکا ولسمشر جو بایډن اټمي تړون ته د ورګرځېدو هوډ کړی، خو د هغه اداره ټینګار کوي چې لومړی باید تهران په خپلو ژمنو و درېږي.
ایران بیا په تړون کې خپلې ژمنې د دې لپاره ماتې کړي چې په خبرهیې امریکا د ژمنې خلاف بېرته بندیزونه پرې لګولي دي.
