د ایران د بهرنیو چارو وزارت سیاسي مرستیال عباس عراقچي کابل ته راغلی او له افغان چارواکو سره یې لیدلي دي.
د افغانستان د بهرنیو چارو وزارت وایي، چې عراقچي په کابل کې د بهرنیو چارو له سرپرست وزیر حنیف اتمر سره د سولې تر څنګ ددواړو هېوادونو ترمنځ د اړیکو پر لا پراختیا او پیاوړتیا خبرې کړې دي.
د بهرنیو چارو وزارت اعلامیه وایي، دا لیدنه پرون چهارشنبه ”د چنګاښ ٢٥“ ماښام مهال په کابل کې ترسره شوې ده.
د معلوماتو له مخې نوموړی به ددې تر څنګ له نور افغان چارواکو سره هم ګوري او پر بېلابیلو مسایلو به خبرې کوي.
تردې مخکې د افغانستان د بهرنیو چارو چارو سرپرست وزیر محمد حنیف اتمر ایران ته تللی و او له خپل ایراني سیال جواد ظریف سره کتلي وو.