رویداد خبري آژانس په افغانستان کې لومړنۍ دیجټلي خبري آژانس
دافغانستان دملي دفاع وزارت سرپرست اسدالله خالد وایي، په داسې حال کې چې د دولت مذاکراتي پلاوی له طالبانو سره مخامخ خبرو ته چمتوالی نیسي او د سولې هڅې ګړندۍ شوې دي خو نه یوازې دا چې تاوتریخوالی کم شوی نه دی بلکې لا یې شدت موندلی دی.
اسدالله خالد نن په لغمان کې یوې ناستې ته په خبرو کې ویلي، مقابل اړخ هڅه کوي د جګړې په شدت سره ډېر امتیاز تر لاسه کړي خو نوموړي ډاډ ورکړی دی چې د افغانستان یوه څنډه به هم سقوط سره مخ نه شي.
نوموړي د خپلو خبرو پر دوام ویلي، د جګړې په جبهاتو کې ځینې ستونزې شته خو په خبره یې ژر به حل شي.
