رویداد خبري آژانس په افغانستان کې لومړنۍ دیجټلي خبري آژانس
د ټولګټو وزارت اعلان کړی چې د سالنګ لویه لاره نن یکشنبې د سلواغې ۱۵ مه د کوچنیو موټرونو پر مخ پرانیستل شوې ده.
د ټولګټو وزارت ویاند، اشرف حق شناس پر خپله اېکس پاڼه لیکي چې په شمالي سالنګ کې ۴۵سانتي مټره او په جنوبي سالنګ کې له ۶۴تر ۱۳۹سانتي مټره واوره شوې ده.
د یاد وزارت ویاند له مسافرینو او موټروانانو غوښتي چې له سالنګ لویې لارې د تېرېدو پرمهال په ژمنیو وسایلو سمبال وي او باید له احتیاط څخه کار واخلي.
د یادولو وړ ده چې د سالنګ لویه لاره د شنبې سهار د سلواغې ۱۴مه د زیاتې واورې او توپان له امله تړل شوې وه.
