رویداد خبري آژانس په افغانستان کې لومړنۍ دیجټلي خبري آژانس
د امریکا د ټینیسي ایالت د ناشویل په ښار کې په یو ښوونځي کې یوې نجلۍ د ډزو له امله ۶ تنه وژل شوي چې درې یې د همدې ښوونځې زده کوونکي و.
پولیسو ویلي چې مشکوکه برید کوونکې یې ویشتلې او وژلې ده. راپورونه وايي ۲۸ کلنه بریدګره د همدې ښوونځي پخوانۍ زده کوونکې وه.
د ناشویل په ښار کې پولیسو ویلي چې د برید کوونکې سره دوه نیمه اتوماتیک ټوپک او یوه تومانچه وه.
پولیسو ویلي چې ښوونځي ته تر رسیدو وروسته معلومه شوه چې برید کوونکې د ښوونځي په دویم پوړ کې وه او له هماغه ځایه یې په خلکو ډزې کولې. پولیسو د برید کوونکي د هویت او دا چې ولې هغې دا برید کړی څه نه دي ویلي.
