رویداد خبري آژانس په افغانستان کې لومړنۍ دیجټلي خبري آژانس
د لغمان ولایت د والي ویاند اسد الله دولتزی وایي نن سهار د الیشنګ په اسلام اباد سیمه کې وسلوالو طالبانو د افغان ځواکونو پر پوستو برید وکړ.دولتزی وايي په دغه نښته کې درې وسله وال طالبان وژل شوي او دوه نور ټپیان شوي دي.
او همداراز یو تو کومانډو ټپي شوی
بل لوري ته له سیمې څخه یوې باورې سرچینې د نوم نه ښودلو په شرط وویل چې پدې نښته کې د کومانډو یو تن افسر وژل شوی او بل تن ټپی دی.
تر اوسه پورې وسلوالو طالبانو پدې اړه رسنیو ته څه نه دې ویلي. الیشنګ د لغمان ولایت هغه ولسوالۍ ده چې وخت نا وخته له دې برخې د نښتو راپورنه ورکول کیږي
