رویداد خبري آژانس په افغانستان کې لومړنۍ دیجټلي خبري آژانس
د اسلامي همکاريو سازمان خبر ورکړی چې په افغانستان کې د روان وضعيت د مستقيمې څارنې په موخه يې دې هېواد ته ځانګړی استازی ټاکلی دی.
د ياد سازمان له لوري په دې اړه خپره شوې اعلاميه کې ويل شوي، طارق علي بخيت پرون يکشنبه د اسلامي همکاريو سازمان له لوري د افغانستان لپاره په کلتوري او ټولنيزو چارو کې د ياد سازمان ځانګړی استازی ټاکل شوی دی.
دې سازمان پرون د (لېندۍ په ۲۸مه) د افغانستان په اړه خپله ۱۷مه فوقالعاده غونډه وکړه چې په کې يې افغانستان ته د بشري مرستو رسولو لپاره د يوه مالي صندوق د جوړولو پرېکړه وکړه.
د ياد سازمان د پرېکړې له مخې، دغه مالي صندوق به د اسلامي نړيوال پراختيايي بانک تر څار لاندې جوړ او فعاليت وکړي.
