رویداد خبري آژانس په افغانستان کې لومړنۍ دیجټلي خبري آژانس
په شمالي وزيرستان کې پر پاکستاني پوليسو وسلهوال بريد شوی چې په ترڅ کې يې يو پوليس وژل شوی او دوه نور ټپيان شوي دي.
پېښه ځايي چارواکو هم تائيد کړې او ويلي يې دي چې ياد بريد بېګا د شپې ناوخته ډېورنډ کرښې ته څېرمه د غلام خان په ډانډګي سيدګۍ سيمه کې شوی دی.
دوی ويلي چې په دې وسلهوال بريد کې د پيټيسياېل په نوم د يوې مخابراتي شبکې ساتونکي پوليس په نښه شوي دي.
تر اوسه د ياد وسلهوال بريد مسووليت کومې وسلهوالې ډلې په غاړه نه دی اخيستی. په دې وروستيو کې پر پاکستاني پوځيانو او پوليسو مرګوني بريدونه زيات شوي چې په ترڅ کې يې تېره چهارشنبه د پاکستان په ستر ښار لاهور کې هم پر پوليسو بريد شوی و.
د ورته اکثره بريدونو مسووليت تحريک طالبان پاکستان او يا هم د بلوڅ بېلتونپالو له لوري په غاړه اخيستل کېږي.
