رویداد خبري آژانس په افغانستان کې لومړنۍ دیجټلي خبري آژانس
د اسرائيلو لومړي وزير نفټالي بنيت دفتر اعلان کړی چې ټاکل شوې لومړی وزير بنيت نن يکشنبه د (لېندۍ په ۲۱مه) عربي اماراتو ته پر سفر روان شي.
په دې اړه د نوموړي له دفتر په خپره شوې اعلاميه کې ويل شوي، نفټالي بنيت به سبا دوشنبه د (لېندۍ په ۲۲مه) د ابوظفبۍ له وليعهد محمد بن زايد النهيان سره وګوري.
د اعلاميې به مخې، دواړه لوري به د دوه اړخيزه اړيکو پر تقويت او دغه راز د سوداګرۍ پر پراختيا خبرې وکړي. په اعلاميه کې زياته شوې چې د دوه اړخيزو اړيکو او سوداګرۍ پر سر د بحث ترڅنګ به په سيمه کې د امنيت لا خونديتوب پر لارو چارو هم خبرې وشي.
وروسته له هغې چې عربي اماراتو په ۲۰۲۰ زېږديز کال له اسرائيلو سره خپلې سياسي اړيکې عادي کړې، دا لومړی وار دی چې د اسرائيلو لومړی وزير نفټالي بنيت دې هېواد ته سفر کوي.
