خبرگزاری رویداد اولین خبرگزاری دیجیتلی در افغانستان
شرکت دولتی قند بغلان اعلام کرده است که با همکاری مقام‌های محلی این ولایت، دو هوتل و دو منزل مسکونی متعلق به این شرکت را که در تصرف غیرقانونی قرار داشتند، بازپس گرفته است.
ریاست عمومی شرکت‌های دولتی می‌گوید که این املاک در نتیجه فعالیت یک کمیته مشترک و پس از بررسی و تثبیت مالکیت آن‌ها، دوباره به شرکت دولتی قند بغلان سپرده شده‌اند.
به گفته این ریاست، نمایندگان مقام ولایت بغلان، استخبارات، اداره حفاظت محیط زیست، مستوفیت و اداره شهرسازی در این روند همکاری کرده‌اند.
ریاست عمومی شرکت‌های دولتی افزوده است که تلاش‌ها برای بازپس‌گیری سایر املاک متعلق به شرکت دولتی قند بغلان نیز ادامه دارد.
