رویداد خبري آژانس په افغانستان کې لومړنۍ دیجټلي خبري آژانس
محمدصمیم، د کاردان پوهنتون د مدیریت او سوداګرۍ په برخه کې د ماسټرۍ محصل او د یوه نړیوال سازمان کارمند دی. هغه وایي چې ځوانان د هېواد رښتینې پانګه ده او هغه کسان چې په تعلیمي برخه کې کار کوي، باید هڅه وکړي تر څو د هېواد تعلیمي سیسټم داسې ترتیب کړي چې ځوانان وکولای شي په ښه توګه ترې ګټه واخلي.
محمدصمیم د خپل لیسانس دوره د بادغیس د لوړو زده کړو په مؤسسه کې چې هغه وخت د هرات پوهنتون څانګه وه، د زراعت په رشته کې بشپړه کړې او بیا په هماغه پوهنتون کې په رسمي ډول د استاد په توګه وټاکل شو؛ ځکه هغه د یاد پوهنتون غوره محصل و.
محمدصمیم وایي: «هغه کسان چې لوړې زدهکړې کوي، د کار کولو تمه لري، خوهغه کارخونې چې وکولی شي توکي تولید کړي یا هغه لوی شرکتونه چې په افغانستان کې فعالیت کوي او د کارمندانو د نیولو لپاره اقدام وکړي خورا کمې دي. زه د هغو کمو کسانو له ډلې یم چې کار لرم او ډېر خوشحاله او شکرګذار یم. دا لاسته راوړنه زما د کوښښونو اوهڅو پایله ده.»
نایب د هغو ستونزو په اړه چې ورسره مخ شوی وایي: «نابرده رنج، گنج میسر نمیشود؛ مزد آن گرفت جان برادر که کار کرد» هره ستونزه د هغه لپاره یوه تجربه وه او له هغه سره یې مرسته کړې ترڅو بریا ته د رسېدو لارې زده کړي.
ښاغلی نایب، د هغه ځوان په توګه چې په یو نړیوال سازمان کارکوي وایي: « ډېر خوشحاله یم چې د خلکو خدمت کوم، زما موخه دا نه ده چې یوازې د ځان لپاره خدمت وکړم، بلکې زه غواړم د نورو لپاره، په ځانګړې توګه ځوانانو او فارغینو ته د کار زمینه برابره کړم.»
