رویداد خبري آژانس په افغانستان کې لومړنۍ دیجټلي خبري آژانس
د افغانستان راډیو ټلویزیون نامتو ویاند، نبي پاکطین په هند کې وفات شوی دی.
په ټولنیزو رسنیو کې د ښاغلي پاکطین ملګرو او همکارانو د نوموړي د مړينې خبر تایید کړی دی.
ښاغلي پاکطین د راډیويي خپرونو د ویاندۍ سربېره ډېر کلونه په بېلابېلو برخو کې، لکه د باختر اژانس ریاست، د اطلاعات او فرهنگ د نشراتو ریاست او یو په شمېر نورو برخو کې دندې کړې دي.
نبي پاکطین د مسکو په راډیو کې هم د پښتو او دري د ویاند او د هند په سفارت کې یې د فرهنګي اتشې په توکه خدمت کړی دی.
ویل کېږي چې نوموړي د افغانستان د ملي راډيو ټلویریون د خپرونو په غوراوي مهم رول درلود.
د یادولو وړ ده چې پاکطین پخوا وختونو کې په ټولنیزو رسنیو پراخه څاروونکي لرل، په ځانګړې توګه افغان خبریالانو او فرهنګیانو دی په نېک نوم یاد کړی دی.
