رویداد خبري آژانس په افغانستان کې لومړنۍ دیجټلي خبري آژانس
د بهرني رسنیو د راپورونو له مخې امریکا، جرمني، فرانسې او بریتانیا د بهرنیو چارو وزیرانو له ایرانه غوښتي چې د ۲۰۱۵میلادي کال اټمي موافقې ته راستون شي.
دغو څلورو هېوادونو ویلي چې د ایران د دې خطرناک اقدام پر وړاندې چې خپلو اټمي بټیو ته د اټمي انرژۍ د څار د نړیوالې ادارې پر پلټنو محدودیت لګوي په یوه خوله دي.
دا په داسې حال کې ده چې د امریکا پخواني ولسمشر ډونالډ ټرمپ په ۲۰۱۸ میلادي کال کې له دې تړونه د خپل هېواد وتل اعلان کړل او پر ایران یې نور اضافي بندیزونه ولګول.
په هماغه وخت کې ټرمپ ویلي و چې د دې موافقې مواد هومره سخت نه دي چې په نتیجه کې به یې ایران د اټمي وسلې له جوړولو لاس اخېستو ته اړ شي.
راپورونه وايي د دې تړون نور امضاء کوونکي هېوادونه له همغه راهیسې د دې تړون د خوندي کولو لپاره هڅه کوي.
ایران هم د امریکا له وتلو وروسته د دې تړون له موادو په وار- وار سرغړونې کړې دي.
