رویداد خبري آژانس په افغانستان کې لومړنۍ دیجټلي خبري آژانس
د کندهار په معروف ولسوالۍ کې د دوو موټربم بریدونو مخنیوی شوی.
د کندهار پولیس وايي، تېره ورځ طالبانو په دوو هاموې ټانګونو کې چاودېدونکي توکي او په زیاته کچه باروت ځای پر ځای کړي وو چې غوښتل یې د ملي پولیسو پر مرکزونو لوی موټربم بریدونه وکړي.
د کندهار د امنیه قوماندان د مطبوعاتي دفتر مسوولین وايي، پولیسو دغه هاموي ټانکونو د معروف ولسوالۍ اړوند “کاڼیزو” سیمه کې پېژندلي او ویشتلي یې دي.
د سرچینې په خبره، یادو چاودنو کې نهه طالبان وژل شوي، خو پولیسو ته پکې کوم زیان نه دی رسېدلی.طالبانو تر اوسه په دې اړه څه نه دي ویلي.
