Home » سپورټ » کرېکټ: راشد خان د نړۍ غوره توپ اچوونکی شو

کرېکټ: راشد خان د نړۍ غوره توپ اچوونکی شو

د کرېکټ نړیوالې شورا د پنځوس اوریزه سیالیو د غوره توپ اچوونکو نوملړ خپور کړی چې د افغانستان پیاوړی لوبغاړی راشد خان پکې لومړی مقام لري.

په دغه خپور شوي نوملړ کې راشد خان د ۶۶۹ نومرو په لرلو سره لومړی، د هند سوکه توپ اچوونکی ګلدیف یادف دوهم او سریلانکایي لوبغاړی مهېش تیکشانه درېیم مقام لري.

د کرېکټ مبصرین په دې باور دي چې راشد خان د نړۍ یو له غوره توپ اچوونکو څخه یو دی چې د لومړي مقام حق لري او تر ډېره به د دغه ځای خاوند پاتې شي.

راشد خان د افغانستان ملي لوبډلې لپاره ۱۱۱ یو ورځنۍ سیالۍ کړې چې په دې کې ۱۹۸ ویکټې یې ترلاسه کړې دي.

راشد خان تر دې وړاندې په ۲۰۲۳م کال کې د شل اوریزو سیالیو د غوره توپ اچوونکو په نوملړ کې لومړی مقام ګټلی و.

د یو ورځنیو سیالیو په یاد نوملړ کې د پاکستان چټک توپ اچوونکی شاهین افریدي بیا څلورم مقام ترلاسه کړی دی.

په ورته مهال د کرېکټ نړۍوالې شورا د الراونډرانو نوملړ هم خپور کړی چې، لومړی مقام یې افغان لوبغاړي محمد نبي ګټلی دی.

شریکول:

About Shakiba Naderi

Leave a Reply

Your email address will not be published. Required fields are marked *

*

x

Check Also

کابل، سوک وهنه، لوبې، ورزش، افغانستان

په کابل کې د سوک وهنې سيالۍ پای ته ورسېدې

د سوک وهنې ملي فدراسيون ...