رویداد خبري آژانس په افغانستان کې لومړنۍ دیجټلي خبري آژانس
مخکیني ولسمشر حامد کرزی وایي تمه لري چې پیل شوي بین الافغاني مذاکرات په افغانستان کې د بېرحمانه خونړیو جګړو پېټۍ د افغانانو له اوږدو ټيټ کړي.
مخکیني ولسمشر د مذاکراتو د پیل په مناسبت په خپاره کړي پیغام کې ویلي په مذاکراتو کې ددواړو لورو استازو او پلاوي ته په کار ده چې د لنډ مهاله او شخصي یا حزبي ګټو پر ځای د افغانستان اوږدمهاله او دایمي ګټو ته لومړیتوب ورکړي، دلته د جګړو د پای ته رسېدو لپار کار وکړی، له رامنځ ته شوي فرصت دې پوره ګټه پورته کړي او په پوره حوصله مندۍ دې د پیاوړي افغانستان لپاره بحثونه وکړي.
پخواني ولسمشر دغه راز ویلي چې که افغانان په خپلو کې یووالي ته سره ورسېږي نو دلته به پردۍ مداخلې او جګړې ختمې شي او افغانستان ته به د یوه پیاوړي او خپلواک هېواد په توګه راڅرګند شي چې د سیمې او نړۍ لپاره به ګټور وي.
