رویداد خبري آژانس په افغانستان کې لومړنۍ دیجټلي خبري آژانس
د راپورونو له مخې د قزاقستان هېواد د اعدام سزا لغوه علان کړه.
د یاد هېواد ولسمشر قاسم جومارت توکایف په دغه اړه فرمان څو ورځې مخکې صادر کړ.
د معلوماتو له مخې ولسمشر توکایف دغه فرمان په داسې مهال کې ورکړ چې له ۲۰۰۳ م کال را په دې خوا د اعدام د حکم عملي کول په قزاقستان کې درول شوي و.
راپورونه زیاتوي دغه هېواد د ۲۰۰۴ کال را هسې یوازې د ترهګریزو فعالیتونو عاملین د اعدام په سزا محکومول.
قزاقستان له ۲۰۰۴ کال راهیسې عمري قید د اعدام د سزا بدیل ګرځولی دی.
د ولسمشر توکایف په فرمان کې ویل شوي چې، د ټولو هغو کسانو سزا ابدي قید ته اوړي چې تر اوسه په اعدام محکوم شوي دي.
دا په داسې حال کې ده چې تېر کال په ملګرو ملتونو کې د قزاقستان استازي د دغه سازمان د سیاسي او مدني حقونو نړیوال پروتوکول لاسلیک کړ او ژمنه یې وکړه چې هېواد به یې د اعدام سزا پای ته رسوي.
