رویداد خبري آژانس په افغانستان کې لومړنۍ دیجټلي خبري آژانس
د پاکستان صدراعظم شهباز شریف ویلي، له افغانستان سره په ګډه د پولیو د له منځه وړلو هڅه کوي.
شهباز شریف دا خبره یکشنبې (د سلواغې ۱۴مه) د پولیو د واکسیناسیون د پیل په مناسبت کړې ده.
پاکستان او افغانستان د نړۍ یوازیني دوه هېوادونه دي چې پولیو لا پکې نه ده ختمه شوې.
د ویلو ده چې په پاکستان کې پروسږ کال د پولیو ۷۷ مثبتې پېښې ثبت شوې دي.
دا په داسې حال کې ده چې د امریکا د مرستو په ځنډېدو د پولیو د واکسین د تطبیق هڅې هم له خطر سره مخ شوي، خو د پاکستان صدراعظم ډاډ ورکړی چې د سعودي عربستان او د بېل او میلنډا ګېټس بنسټ په مرسته به د پولیو ضد هڅې جاري وساتل شي.
