رویداد خبري آژانس په افغانستان کې لومړنۍ دیجټلي خبري آژانس
راپورونه وايي پاکستان هېواد د ننګرهار پر ګوشتې ولسوالۍ باندې شاواخوا ۴۰ توغندي ویشتلي دي.
د ګوشتې ولسوالۍ یو شمېر قومي مشران رسنیو ته ویلي چې توغندي پر هغو سیمو لیږدلي چې آبادې نه وې.
قومي مشر ملک وزیر خان وویل توغندي خوخاخیلو په ساحه او د دوخیلو په ساحه کې لیږدلي دي چې مالي او ځان زیان نه لري.
دوه ورځې وړاندې د کنړ ولایت په شلتن ولسوالۍ باندې هم د پاکستان له لوري د توغندیدو د بریدونو خبر ورکړل شو.
پر کنړ د توغنديزو بریدونو په اړه هماغه وخت د افغانستان د بهرنیو چارو وزارت د یوې اعلامیې په ترڅ کې د ډیورند کرښې په اوږدو د پاکستان له لوري د توغندیو ویشتل وغندل او وویل چې چې دا ډول بریدونه به بې ځوابه پاتې نه شي.
باید وویل شي چې پاکستان تراوسه دا نه ده منلې چې د افغانستان دننه یې د توغندیو بریدونه کړي دي.
