رویداد خبري آژانس په افغانستان کې لومړنۍ دیجټلي خبري آژانس
پاکستان کرکټ ملي لوبډلې په دویمه شل اوریزه لوبه کې میلمه نیوزیلېنډ ته په ۳۸ منډو ماتې ورکړه.
په دغه لوبه کې پاکستان پچه وګټله او لومړی یې د توپ وهنې پرېکړه وکړه، چې د په دغه لوبه کې بابر اعظم د شاندارې سلیزې په مرسته نیوزیلېنډ ته د ګټلو لپاره د ۱۹۳ منډو هدف ورکړ.
په دې لوبه کې بابر اعظم په ۵۸ توپونو ۱۰۱ ناسوځېدلې منډې جوړې کړې چې ۱۱ څلوریزې او ۳ شپږیزې پکې شاملې وې او بله خوا محمد رضوان په دې لوبه کې تر ۵۰ منډو جوړولو وروسته وسوځېده.
په دغه لوبه کې د نیوزیلېنډ لپاره میټ هینري غوره توپ اچونه وکړه، هغه دوه ویکټې یې واخیستې. همدغه راز جیمز نیشام او راچین راویندرا یوه یوه وېکټه واخیسته.
بل خوا د پاکستان د ۱۸۲ منډو په تعقیب د نیوزیلېنډ ټوله لوبډله په ۲۰ اورونو کې د ۷ لوبغاړو په سوځیدو وتوانیدله، چې یوازې ۱۵۴ منډې جوړې کړي او لوبه یې وبایلله. د نیوزیلېنډ لپاره مارک چپمن و، چې هغه د ۶۵ ناسوځیدلې منډو په جوړولو تر نورو ښه وځلېده.
پاکستاني توپ اچونکي حارث روف ښه توپ اچونه وکړه، د تېرې لوبې په شان یې یو ځل بیا څلور ویکټې واخیستلې او عماد وسیم، زمان خان او شاداب یوه یوه وېکټه واخیسته.
په دې لوبه کې د پاکستان د کرکټ ملي لوبډلې اوپنرانو بابر اعظم او محمد رضوان یو بل نړیوال ریکارډ هم جوړ کړ او دغه ریکارډ یې د نیوزیلېنډ پر وړاندې په روانه لوبه کې له ۵۰+ منډو په ملګرتیا سره جوړ کړ.
د نیوزیلېنډ خلاف په دویمه شل اوریزه لوبه کې رضوان او بابر د ۵۰ منډو ملګرتیا وکړه، چې دا په ټولیزه توګه د بابر او رضوان ۱۹ پنځوسیزه ملګرتیا ده چې په شل اوریزه کرکټ کې یو نړیوال ریکارډ دی.
د یادولو وړ ده چې پاکستان او نیوزیلېنډ ۵ شل اوریزه لوبې لري، چې له هغې جملې یې یوه لوبه تېره ورځ ترسره شوه، چې پاکستان لوبډلې پکې په ۸۸ منډو زبردسته بریا خپله کړه.
