رویداد خبري آژانس په افغانستان کې لومړنۍ دیجټلي خبري آژانس
د راپورونو له مخې، ځايي چارواکو اعلان کړی چې دا توپان تېر ماښام ناوخته د هند سوېلي ساحل ته رسېدلی چې تر اوسه یې دولس کسان مړه کړي دي.
چارواکو دغه راز ویلي چې له سیمې یې ۱۵۰ زره کسان له خپلو استوګنځیو ایستلي او خوندي سیمو ته یې لېږدولي دي.
د هند د هوا پېژندنې ادارې دې توپان ته ټوټکای نوم ور کړی چې د هوا د چټکتیا کچه یې په یوه ساعت کې ان تر ۱۰۳ میله پورې رسېږي.
آسوشېټېد پرېس خبري آژانس دا توپان د دویمې درجې توپان سره مساوي بللی.
پر هند دا توپان داسې مهال راغلی چې دا هېواد د کرونا وبا له امله له ډېر سخت حالت سره مخ شوی، روغتونونه د اکسېجن ډبو، بسترونو، نورو بېړنیو روغتیايي توکو او درملو له کمبود سره مخ دي.
