رویداد خبري آژانس په افغانستان کې لومړنۍ دیجټلي خبري آژانس
په هالنډ کې چارواکو دوشنبه اپریل ۱۷ (وري۲۸) ویلي چې په یو مشهور پاکستاني په دې خاطر په محکمې کې قانوني دعوا کوي چې د دې هیواد د پارلمان یو وکیل وژلو ته یې خلک هڅولي و.
د هالنډ حکومت ویلي چې دعوا یې د پاکستان د کرکټ په پخواني لوبغاړي خالد لطیف ده او ادعا یې کړې چې ښاغلې لطیف خلک هڅولي و چې د د دې هیواد د پارلمان غړی ګیرټ وایلډرز چې د اسلام ضد نظریات لري، ووژني.
د دولتي څارنوالۍ خدماتو ویلي چې ۳۷ کلن خالد لطیف په ۲۰۱۸ کال کې په یوې ویډیو کې چې په انټرنیټ کې خپره شوې وه، ویلي و که هر چا د هالنډ د پارلمان دا غړی وواژه، ۲۳ زره امریکایي ډالر انعام به ورکوي.
د څارنوالۍ په اعلامیې کې راغلي، ” پدې ځانګړې قضیې کې مشکوک د پیژندنې وړ دی. هغه د یو هیواد مشهور شخص دی او له همدې کبله د هالنډ پولیسو په انځورونو کې وپیژانده”.
د هالنډ د پارلمان غړي غوښتل چې د اسلام د پیغبر د کارتون جوړولو سیالي جوړه کړي خو د مظاهرو او مرګ ګواښونو څخه وروسته یې دا کار ونکړي. هغه په ټویټر کې لیکلي چې مشکوک شخص چې خلک یې د ده وژلو ته هڅولي و د پاکستان د کرکټ پخوانی لوبغاړی لطیف دی.
