رویداد خبري آژانس په افغانستان کې لومړنۍ دیجټلي خبري آژانس
په داسې حال کې، چې په قبايلي سيمو کې د تحريک طالبان پاکستان د بيا حضور خلاف د ځايي اوسيدونکو اعتراضونه دوام لري، تازه د افغانستان د ملي امنيت پخواني رئيس رحمتالله نبيل دعوه کړې چې د پاکستان پوځ د تحريک طالبان پاکستان يا TTP پر وړاندې عمليات پيل کړي.
رحمت الله نبیل په دې اړه خپل ټوېټر کې نن دوشنبه د (وږي په ۷مه) ليکلي، چې دا عمليات څو ورځې وړاندې د افغانستان په خاوره کې د پاکستان له لوري د پاکستاني طالبانو پر وړاندې پیل شوي دي.
تر اوسه د افغانستان سرپرست حکومت او پاکستاني رسنیو په دې اړه څه نه دي ویلي. رحمتالله نبيل دا ادعا ټيک يوه ورځ وروسته له هغې کوي، چې د افغانستان ملي دفاع وزارت سرپرست ملا يعقوب مجاهد پاکستان د افغانستان پر وړاندې د خپل هوايي حريم پر کارولو تورن کړ.
نوموړي ادعا وکړه، چې امريکايي بېپيلوټه الوتکې د پاکستان له هوايي حريم په ګټنې د افغانستان حريم ته دننه کېږي. يعقوب مجاهد له پاکستان وغوښتل، چې د افغانستان پر وړاندې دې خپل هوايي حريم نه کاروي.
د نوموړي دې څرګندونو ته په غبرګون کې د پاکستان بهرنيو چارو وزارت ويلي، چې د ملا يعقوب دا ادعا بې اساسه او د ډيپلوماټيکو نورمونو خلاف ده.
