رویداد خبري آژانس په افغانستان کې لومړنۍ دیجټلي خبري آژانس
د امریکا د بهرنیو چارو وزیر انټوني بلېنکن د(دوشنبې،د تلې۳۰مه)منځني ختیځ ته تللی او په غزه کې یې د اوربند په تړاو تازه هڅې پیل کړي دي.
رویټرز خبري اژانس راپور ورکړی چې منځني ختیځ ته د بلینکن د سفر موخه د حماس د مشر له وژل کیدو وروسته د وضعیت ارزول او د دې سیمې د راتلونکي په اړه څېړنه ده.
نوموړی داسې مهال منځني ختیځ ته سفر کوي چې دوه اوونۍ وروسته په امریکا کې د ولسمشرۍ ټاکنې ترسره کیږي.
دا له تېر اکټوبر د اسراییلو او حماس ترمنځ د جګړې له پیل راهیسې منځني ختیځ ته د بلېنکن یوولسم سفر دی.
خو کارپوهان وایې چې د امریکا د ولسمشریزو انتخاباتو مخکې د اوربند په تړاو دا ډول هڅې به بې پایلې وي.
انټوني بلېنکن له دې سربېره اردن او دوحې ته هم د سفر خبر ورکړی دی.
دا سفر په داسې حال کې کیږي چې اسرائیلي پوځ په غزه او لبنان کې خپلو پوځي عملیاتو زیات کړی او سیمه د ایران د توغندیو د برید په وړاندې د اسرائیلو ځواب ته انتظار باسي.
