رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې نن پنجشنبه د (کب په ۲۶مه) د ملګرو ملتونو امنيت شورا په افغانستان کې د دغه سازمان مرستندويه ماموريت يا يوناما د دوام او يا هم نه دوام په اړه پرېکړه وکړي.
فرانس پرېس اژانس په دې اړه خپاره کړې راپور کې ويلي، ناروې چې د امنيت شورا دورهيي مشري کوي، په دې اړه د پرېکړهليک يوه مسوده چمتوو کړې او نن ماښام به يې يادې شورا ته وړاندې کړي.
د راپور له مخې، د يادې مسودې د متن پر سر روسيې وار له مخې ځيني ملاحظه مطرح کړې؛ خو د متن پر سمون سربېره هم دې هېواد د پرېکړهليک مسودې مخالفت کړی دی.
په ملګرو ملتونو کې د روسيې مرستيال استازي دیمیتري پولیانسکي فرانس پرېس ته ويلي، په افغانستان کې د يوناما موريت په تړاو د پرېکړې په موخه امنيت شورا ته وړاندې کېدونکې مسوده کې د روسيې دريځ نه دی منعکس شوی.
له دې سره چين هم د مسودې په متن کې يو لړ ملاحظات مطرح کړي. که نننۍ مسوده د ملګرو ملتونو د امنيت شورا له لوري تصويب شي، نو پر بنسټ به يې په افغانستان کې د يوناما ماموريت هم تر يوه راتلونکي کال پورې تمديد شي.
