رویداد خبري آژانس په افغانستان کې لومړنۍ دیجټلي خبري آژانس
له افغان شخصیتونو سره د اړیکو کمېسیون شمېرې ښيي چې په تېرو درې میاشتو کې څه باندې ۱۰۰ تنه سیاسي څېرې او د مخکيني دولت کارکوونکي بېرته هېواد ته راستانه شوي دي.
د دغه کمېسیون ویاند وايي چې بېرته راستنېدونکو کې وزیران، والیان او بېلابېل شخصیتونه شامل دي او دغه بهیر په چټکۍ سره روان دی.
د دغه کمېسیون د شمېرو پر بنسټ، تر اوسه ۴۷۱ سیاسي څېرې او د تېر حکومت چارواکي له شخصیتونو سره د اړيکو د کمېسیون د همغږۍ له لارې هېواد ته راستانه شوي دي. په همدې حال کې د بهرنیو چارو وزارت سیاسي مرستیال په یوه ناسته کې په افغانستان کې د افغانانو په پاتې کېدو ټينګار کړی دي.
