رویداد خبري آژانس په افغانستان کې لومړنۍ دیجټلي خبري آژانس
د قزاقستان چارواکو نن دوشنبه د (مرغومي په ۲۰مه) خبر ورکړی چې د دغه هېواد په ستر ښار الماتي کې وضعيت عادي کېدونکی دی او ژر به هر څه سم او لومړني حالت ته وګرځي.
د چارواکو له دې اعلان سره په الماتي کې د انټرنېټ خدمتونه چې د لاريونونو پرمهال ځنډول شوي وو، بېرته پيل شوي او د دغه ښار پر سړکونو د عامو خلکو موټرو تګ راتګ هم پيل کړی.
چارواکو ويلي چې دامهال وضعيت په بشپړه توګه تر کنټرول لاندې شوی دی. دوی زياته کړې چې په وروستيو لاريونونو کې ټولټال ۱۶۴ تنه وژل شوي او شاوخوا ۸زره کسان بيا د قزاقي ځواکونو له لوري نيول شوي دي.
