رویداد خبري آژانس په افغانستان کې لومړنۍ دیجټلي خبري آژانس
د قزاقستان د ټرانسپورت وزارت په افغانستان کې د وسپنې پټلۍ د پراختيا ته چمتووالی ښودلی دی.
د دې وزارت مرستيال ماکسات کالياقپاروف وايي، د هېواد شرکتونه يې هوډ لري چې د افغانستان د وسپنې پټلۍ لپاره ريل ګاډي او د اړتيا وړ ځيني نور توکي چمتو کړي.
نوموړي د “ټرانسپورټ او لوجستیک بازار” په نړيواله غونډه کې دغه راز ويلي، چې يو قزاقستانی شرکتونه اوس هم افغانستان کې د وسپنې پټلۍ ځينو برخو پر جوړولو بوخت دي.
دا په داسې حال کې ده چې له دې وړاندې چین، ایران، ترکیې او ګڼو نورو هېوادونو په ګډون قزاقستان هم په افغانستان کې لا ډېرو پانګونو ته لېوالتیا ښودلې ده.
