رویداد خبري آژانس په افغانستان کې لومړنۍ دیجټلي خبري آژانس
د اروپا د ملتونو جام د سیالیو په لړ کې تېره شپه ایټالیا هسپانیا ته په ماتې ورکولو سره پایلوبې ته لار وموندله.
د ایټالیا او هسپانیا ترمنځ دې سیالۍ کې لومړی ګول ایټالیا په شپېتمه دقیقه کې وواهه چې وروسته هسپانیا هم په اتیایمه دقیقه کې ګول وکړ او لوبه ۱ د ۱ په وړاندې مخ ته لاړه.
بالاخره د پانلټي توپونو پر مهال ایټالیا وتوانېد دغه سیالۍ ۴ د ۲ په وړاندې وګټي.
د نیمه پایلوبې بله سیالۍ د نن چهارشنبه (د چنګاښ ۱۶مه نېټه) د انګلستان او ډنمارک ترمنځ کېږي.
د اروپا د ملتونو جام د فوټبال سږنۍ سیالۍ د جون له ۱۱مې نیټې پیل شوې او تمه ده را روانه یکشنبه یعنې د جولای پر یوولسمه پای ته ورسېږي.
د اروپا کپ د تېر میلادي کال اتل پرتګال، د درېیو جامونو اتل جرمني او د دوو دورو اتله فرانسه چې د اتلولۍ دعوه داران وو، سږ کال ان تر کوارټرفاینل هم ونه رسېدل.
