رویداد خبري آژانس په افغانستان کې لومړنۍ دیجټلي خبري آژانس
د بشري حقونو خپلواک کمیسیون وایي، چې د روان کال د تېرې سرطان میاشتې له ۲۵مې تر اوسه پورې د هېواد په بیلابیلو ولایتونو کې د وسله والو طالبانو او نامعلومو کسانو له لوري اووه ښوونځي سوځول شوي دي.
له یاد کمیسیون څخه خپرې شوې خبرپاڼه کې راغلي چې دا ښوونځي، په تخار، بادغیس، فاریاب، بلخ، غزني او میدان وردګو ولایتونو کې سوځول شوي دي.
خبرپاڼې په تخار او بلخ کې د دوو ښوونځیو سوځول کېدو پړه پر طالبانو اچولې ده. یاد کمیسیون، پر عام المنفعه تاسیساتو باندي هر ډول بریدونه د بشري حقونو د نړیوالو قوانینو نقض او جنګي جنایت بللی دی.
