رویداد خبري آژانس په افغانستان کې لومړنۍ دیجټلي خبري آژانس
د پاکستان د صدراعظم دفتر ویلي، چې دغه هېواد پرون (دوشنبې، د سلواغې ۱۵مه) د سعودي عربستان له پراختیایي صندوق سره یو تړون لاسلیک کړ، چې له مخې یې دې هېواد ته اجازه ورکوي، چې تر یوه کال پورې سعودي عربستان ته د تېلو د وارداتو لپاره ۱.۲ میلیارد ډالره ورنه کړي.
دغه تړون د پاکستان د صدراعظم، شهباز شریف او د سعودي عربستان د پراختیایي صندوق د اجراییوي مشر، سلطان بن عبدالرحمن المرشد، ترمنځ لاسلیک شوی دی.
بلخوا د پاکستان صدراعظم شهباز شریف د تېلو د وارداتو د تمویل په برخه کې د دغې اسانتیا هرکلی کړی اوزیاته کړې یې ده چې دغه اقدام به د پاکستان د اقتصاد له ثبات سره مرسته وکړي او مالي فشارونه به کم کړي.
