رویداد خبري آژانس په افغانستان کې لومړنۍ دیجټلي خبري آژانس
د افغانستان د ملي دفاع وزارن وایي،چې په هلمند کې یې د وسله والو طالبانو د سرې قطعې یو هم قوماندان وژلی دی.
دغه وزارت پرون جمعه (د غویي ۳۱مه نېټه) په یوه خبرپاڼه کې ویلي چې وژل شوی کس د لښکرګاه د باباجي سیمې لپاره د سرې قطعې مشري پر غاړه درلوده.
خبرپاڼه کې د دغه طالب قوماندان نور هویت نه دی په ډاګه شوی، خو ویل شوي پرون د هوایي او ځمکنیو عملیاتو ترڅ کې پرې برید وشو.
وسله والو طالبانو بیا په دې اړه څه نه دي ویلي.
وروستیو څو اونیو کې د افغانستان د ځینو نورو سیمو په څېر د لښکرګاه شااوخوا کې جګړو زور اخیستی او له کبله یې د سیمې سلګونه کورنۍ هم بې ځایه شوي دي.
